Habie un rapaç que yá muito tiempo que namoraba cula moça i treminou a pedir-se-la al pai. L pai de la moça quando l biu dixo-le:.
- Ni penses an casar-te cula mie filha. Purmeiro arranja barba i apuis ben a falar cumigo..
L rapaç alhá se fui mui triste pus inda nun tenie barba. Anton agarrou un xeixo dua ribeira i passaba ls dies a sgodar la cara cul xeixo a ber se le salie la barba. Tanto sgodou, tanto sgodou, que alhá le saliu la barba. Fui-se anton outra beç a tener cul pai de la moça, que le dixo:.
- Cumo yá tenes barba, yá te puodes casar cula mie filha..
Eilhes alhá se casórun. Mas nun tenien nada i nin un nin outro ganhaba. Naqueilha casa nun habie nada de comer nin de buer. Por esso passában ls dies mui tristes. I dezie l rapaç:.
- Nuites alegres, manhanas tristes, barba sin tiempo pa que nacistes.
.
.
Carlos Ferreira, Cuntas que me Cuntórun, seguidas de l Gato de las Botas.
This entry was posted
on quarta-feira, 5 de agosto de 2009
at quarta-feira, agosto 05, 2009
and is filed under
Língua mirandesa,
Literatura,
Tradição
. You can follow any responses to this entry through the
comments feed
.
